رَسانک نیوز/ دوشمبے 2 شهریور ماہ 1405 ءِ شپ ءَ، شستون ءَ بلوچے کہ چہ سلاہ بندیں دُزّانی آییئے لوگئے سرا اُرش ئے وھدا تیرگواری ءَ سکّ ءَ ٹپّیگ بوتگ، ھپت روچ ٹپّانی درد ئے سگّگ ءَ رَند ماں کرمان ئے نادراہجاھی ءَ ساہ داتگ.
رَسانک ءَ اے بلوچئے پجّار «اَلی ھژبری»، ھُسین ئے چُک، آروس کرتگ ءُ شستون ئے نندوک زانتگ.
رَسانک ءِ ھال سرکنوکانی رِد ءَ، شستون ءَ شوشتری روڈ ءَ تاریک 27 مرداد ماہ 1405 ءِ شپ ءَ، سلاہ بندیں دُزّانی اَلی ھژبری ئے لوگئے سرا اُرش ءِ وھدا تیرگواری ءَ آییا ماں پادا تیر وارتگ ءُ ٹپّیگ بوتگ.
ھال سرکنوکان ءَ گوَشتگ: تیر آییئے پاد ئے بُنی رگ سستگ اَنت ءُ چہ بازیں ٹپّان ءُ ھونئے رِچگ ءَ آییئے ھالت نگیگ بوتگ. اَلی ھژبری ئے لوگئے مردماں پہ شرتریں درمان ءَ آیی کرمان ئے نادراہجاھی ءَ سر کرتگ، بلہ آیی کُمایا شُتگ ءُ گُڑسرا دوشمبے شپ ءَ 2 شهریور ماہ ءَ پد چہ ھپت روچ ٹپّانی درد ئے سگّگ ءَ ساھی داتگ.
داں انگتا سلاہ بندیں دُزّانی کہ اے بلوچئے لوگئے سرا اُرش کرتگ، آیانی پجّار ءُ سرنبشت زانگ نہ بوتگ.
Be the first to comment