رَسانک نیوز/ جمے 9 مرداد ماہ 1405 ءِ شپ ءَ، بلوچی کہ ماں تاریک چارشمبے 7 مرداد ماہ ءَ جالکئے کلّگان ءَ بچہ راھی دمگ ءَ چہ سیمسراں چاروگیں باسکئے تَچکیں تیرگواری ءَ سکّ ءَ ٹپّیگ بوتگ ءُ ماں شستون ئے نادراہجاہ ئے I.c.u واڈ ءَ بستری بوتگ، چہ بازیں ٹپّاں ساھی داتگ.
رَسانک ءَ اے بلوچئے پجّار «نادر گمشادزھی»، ھدا بکش ئے چُک، شستون ئے جهادآباد دمگئے نندوک زانتگ.
رَسانک ءِ ھال سرکنوکانی رِد ءَ، سیمسرانی لیکہ ءَ پد چہ اشیا کہ آئی سیمسرانی چاروگیں باسکئے تیرگواری ئے دپ ءَ کپتگ ءُ تیری وارتگ پدا ھمیں ٹولییا گوں نگیگیں ھالت ءَ آیی شستون ئے نادراہجاہ ءَ سر کرتگ. دو روچ I.c.u واڈ ءَ بستری بوھگ ءَ رَند چہ بازیں ٹپّاں ساھی داتگ.
داں انگتا ھچ نزامی ءُ امنیتی ادارھئے سروک ءُ زمّهواری ءَ اے بلوچئے سرا تیرگواری ئے سئوبئے بابت ءَ درشانی نہ داتگ، نہ کہ ویلئے جاور ءُ آییئے سرا گرمیں سلاھئےکارمرز کنگئے سئوب گوشتگ.
Be the first to comment