رَسانک نیوز/ دوشمبے روچ 5 مرداد ماہ 1405، سپیت آوه ءَ منڈیا ٹیل ھالیگ کنگئے وھدا، ٹیلکشّی کہ چہ آسئے در گِرگ ءَ سکّ ءَ سُهتگ ءُ ٹپّیگ بوتگ، نادراہجاہ ءَ سربوھگ ءَ پد چہ بازیں ٹپّاں ساھی داتگ.
اے ٹیلکشّئے پجّار «مهمد یاسین سارانی» کِساس 31 سالگ، آروس کرتگ، سئے زھگئے پت، زابلئے نندوک ءُ جهمنند زانگ بوتگ.
رَسانک ءِ ھال سرکنوکانی رِد ءَ، آیی یکشمبے روچ ءَ، 4 مرداد ماہ ءَ سپیت آو ئے منڈیا ٹیل ھالیگ کنگئے وھدا چہ آسئے در گِرگ ءَ سکّ ءَ سُهتگ. ویل ءَ پد مهمدیاسین گوں آمبولانس ءَ پہ درمان ءَ نهبندان ئے نادراہجاہ ءَ سرکنگ بوتگ پد چہ اشیا پہ شرتریں درمان ءَ بیرجند ئے نادراہجاہ ءَ دیم دیئگ بوتگ. ڈاکٹران ءَ پہ آییئے رکّینگ ءَ وتی وس ءُ جُهد کرتگ، بلے آ دگہ روچ ءَ ساھی داتگ.
🔗 لینک کوتاه:
برای کپی روی دکمه کلیک کنید
Be the first to comment