شستون ءَ امنیتی ٹولییے تیرگواری ءَ کُشگ بوتگیں دو بلوچئے بے ساھیں جون 37 روچ ءَ پد، وارسانی دست ءَ دئیگ بوتگ

رَسانک نیوز/ مروچی سئےشمبے 23 تیر ماہ 1405، شستون ءَ نزامی ءُ امنیتی ٹولییا گوں ٹکّر ئے وھدا چہ کُشگ بوتگیں چار بلوچ ءَ، دو دگہ بلوچئے بے ساھیں جون وارسانی دست ءَ دئیگ بوتگ۔ پیسرا ھم کُشگ بوتگیں یک مردمییے لاش ماں تاریک 16 تیر ماہ ءَ آییئے وارسانی دست ءَ دئیگ بوتگ۔ داں انگتا کُشگ بوتگیں چارمی مردمئے بے ساھیں جون ءِ بارئوا ھچ پئیمیں ھالے سرپد ئے دست نہ کپتگ.

رَسانک ءِ ھال سرکنوکانی رِد ءَ، مروچی «جلیل نهتانی»، کِساس 45 سالگ، ھمید ئے چُک، ءُ «مهمداُمر نهتانی»، کِساس 24 سالگ، جلیل ئے چُک، ھر دو دُزاپ ءِ چشمہ زیارت دمگئے نندوک بوتگ اَنت، آیانی لاش وارسانی دست ءَ دئیگ بوتگ اَنت ءُ مروچی ساھت 18:30 ءَ ماں چشمہ زیارت دمگ ءَ ھاکاں ایئر دئیگ بنت.

پیشترا «یاسین مهمدزھی»، شریپ ئے چُک، تپتان ئے نازیل زِلّهئےچاہ اھمد دمگئے نندوک ئے لاش ماں تاریک 16 تیر ماہ ءَ وارسانی دست ءَ دئیگ بوتگ۔ بلے چہ «وھید شاھوزھی» ئے لاشئے جاوراں داں انگتا ھالے سرپد ئے دست نہ کپتگ.

پیسرا رَسانک ءِ ھال سرکنوکان ءَ گوَشتگ اے چاریں بلوچ یکشمبے 17 تیر ماہ ءِ بانگواہ ءَ، شستون ءَ گوں نزامی ءُ امنیتی ٹولی ءَ ٹکّر ئے وھدا کُشگ بوتگ اَنت۔ پیش چہ اشیا بید چہ کُشگ بوتگیں مردمانی وارسان ءَ دمگئے کماش ءُ اسپیت ریشیں مردمان ءَ ھم پہ آیانی لاشانی دست ءَ گِرَگ ءَ جُهد کرتگ، بلے آیان ءَ روژنیں پسّویی دئیگ نہ بوتگ.