رَسانک نیوز/ پنچشمبے 18 تیر ماہ 1405 ءِ شپ ءَ، زابل ئے ترمینال ئے نزّیک ءَ بلوچی، چہ دُکانی ءَ سلاہ بندیں دُزّییے وھدا تیرگواری ءَ ساھی داتگ۔ اُرش کنوکیں مردم پد چہ تیرگواری ءُ آییئے پژو پارس گاڑییے دُزّگ ءَ چہ جاہ ءَ دَر شُتگ، بلے روچی ءَ رَند ماں 19 تیر ماہ ءَ ھماں وھدا کہ چہ میلک ئے سیمسر ءَ ملک ءَ دَر بوھگئے جُهد ءَ بوتگ کہ امنیتی ٹولییا آیی پجّاہ آرتگ ءُ دزگیر کرتگ.
رَسانک ءَ اے بلوچیں نوک ورنائے پجّار «زبیہاللہ نارویی»، کِساس 18 سالگ، رھیم ئے چُک، زابل ئے جهمنند زانتگ.
رَسانک ءِ ھال سرکنوکانی رِد ءَ، زبیہاللہ گوں وتی مستریں برات ءَ دکانئے کاراں دلگوش بوتگ۔ ساھت 21 ءِ وھدا سلاہ بندیں مردی پہ گاڑییے پُلگ ءَ دکان ءَ تها بوتگ۔ اُرش کنوکیں مردم ءَ دکان ءَ اُوشتوکیں مردم بیهار کرتگ اَنت گوں وتاس ءَ تیرگواری کرتگ کہ زبیہ اللّہ ءَ تیر وارتگ ءُ ساہ داتگ۔ اشیا پد اُرش کنوکیں مرد ءَ زبیہ ئے برات بیهار کرتگ ءُ گاڑییے کلیتی گپتگ ءُ گوں دُزّی گاڑی ءَ چہ جاہ ءَ دَر شُتگ.
ھال سرکنوکان ءَ گوَشتگ جرم داریں مرد، رَند چہ یک روچ ءَ میلک ئے سیمسراں وتی پجّار اوگان باشندگی درا کرتگ ءُ لوٹتگ چہ مُلک ءَ ڈنّ ببیت۔ بلے کُشگ بوتگیں مردمئے سیاد ءُ وارسان ءَ آییئے راستیں پجّار زانتگ ءُ پیسر چہ اشیا کہ چہ ملک ءَ در ببیت، دزگیر بوتگ.
Be the first to comment