رَسانک نیوز/ 27 ھُرداد ماہ 1405 ءِ بانگواہ ءَ، دُزاپ ءِ بندیگجاہ ءَ دو بلوچیں بندیگ ئے ھوری ءَ سئے بندیگ کہ چہ پیسرا پہ مواد ئے الزاما پاھو ئے ھُکمش وارتگ، پاھو دئیگ بوتگ اَنت.
یکی چہ دویں پاھو دئیگ بوتگیں بلوچیں بندیگانی پجّار «زاھر گرگیج (شاھوزھی)»، کِساس 40 سالگ، زمان ھان ئے چُک، آروس کرتگ ءُ سئے زھگئے پت، دُزاپ ءِ نندوک زانگ بوتگ۔ داں انگت دومی پاھو دئیگ بوتگیں بلوچیں بندیگئے پجّار زانگ نہ بوتگ ءُ سئمیں پاھو دئیگ بوتگیں، بندیگئے پجّار «ابداللہ جلالی»، 25 سالگ، لال مهمد ئے چُک، اوگانستان ئے نیمروز ولایت ئے ھاشرود ولسوالییے نندوک گوشگ بوتگ.
ھال وشّ ئے ھالانی رِد ءَ، زاھر ماں سال 1402 ءَ، دُزاپ ءَ پہ مواد ءِ چِست ءُ ائیر ئے الزاما دزگیر بوتگ ءُ انکلاب آمیدگِس ءَ آیی پاھو ئے ھُکم داتگ۔ زاھر ئے لوگئے مردم پہ گُڑسریں دیدار کنگ ءَ سئوبین بوتگ اَنت ءُ چارشمبے روچ ءَ آییئے پاھو ئے ھُکمئے سرا کاروایی بوتگ.
Be the first to comment