رَسانک نیوز/ مروچی چارشمبے 27 ھرداد ماہ 1405، دُزاپ ءِ زیبا شهر دمگ ءَ بلوچی کہ سادہ پوشیں امنیتی ٹولی ءَ 16 ھُرداد ماہ ءَ آییئے لوگئے سرا اُرش رَند دزگیر کرتگ ءُ چیریں جاگهی بُرتگ، 11 روچ ءَ پد داں انگت آییئے ھالے سرپد ئے دست نہ کپتگ.
اے بلوچئے پجّار «الیرزا دھمردہ»،21 سالگ، ناسر ئے چُک، دُزاپ ءِ زیباشهر ئے نندوک زانگ بوتگ.
رَسانک ءِ ھال سرکنوکانی رِد ءَ، چُنت سادہ پوشیں امنیتی کارمند دُزاپ ءِ زیباشهر ءَ پَرُّھی سیستانی روڈ ءَ الیرزا ئے لوگئے سرا اُرش پد آیی دزگیر ءُ چیریں جاگهی برتگ۔ اے مردمانی پجّار ءُ آیانی امنیتی ادارھانی کارمند بوھگئے گپّ پہ لوگئے مردماں اَلّم نہ اِنت.
ھال سرکنوکان ءَ گوَشتگ الیرزا چہ ھماں بلوچان اِنت کہ آییا سِجِل ءُ پجّار ئے کاگد نہ بوتگ ءُ نوک پہ وتی سِجل ءَ درھاستی داتگ۔ آیی پہ آسِن کاری ءَ دلگوش ءُ وتی ھاندان ئے سرپرست بوتگ ءُ وتی برات ءُ گوھاری سمبالتگ اَنت.
الیرزا وزن بُرز کنگئے ورزشکاری زانگ بیت ءُ چُنت رَند ءَ ماں اے ورزش ئے تاچ ءَ مدالی گپتگ.
ھمیں وڑا ھال سرکنوکان ءَ گوشتگ آییئے دزگیر کنگ ءَ پد، بس یک بری لوگ ءَ کسانیں زنگی جَتَگ۔ بلے وتی دارگ جاھئے بارئوا یانکہ دزگیر کنوکیں ادارھئے بابت ءَ ھچّی نہ گوَشتگ، آییا ھمینچُک گوَشتگ کہ وتی جاگهئے بارئوا ھچ گوَشت نکنت.
آییئے سیادانی رِد ءَ، گوَستگیں روچاں آییئے ھاندان ءُ لوگئے مردمان ءَ سرکاری، امنیتی ادارھان ءُ کانونی ڈاکٹرانی دپتراں باز تر ءُ تاب کرتگ، بلے ھچ وڑیں روژنیں پسّویی آیانی دست ءَ نہ کپتگ.
Be the first to comment