رَسانک نیوز/ مروچی سئےشمبے 26 ھُرداد ماہ 1405، دو بلوچ کہ ماں یزد ئے بندیگجاہ ءَ بندیگ بوتگ اَنت ءُ گوَستگیں روچ ءَ زندان ءِ زمّهواران ءَ پہ ایوکیں واڈ ءَ شور داتگ اَنت، آیانی پاھو ئے ھکمئے سرا کاروایی بوتگ.
رَسانک ءَ اے دویں بلوچیں بندیگانی پجّار «اُمر شہبکش»، کِساس 24 سالگ، ھمید ئے چُک، «ابدلگپور شہبکش»، 25 سالگ، مهمد الی ئے چُک، آروس کرتگ ءُ یک زھگئے پت، ھر دو دُزاپ ءِ سرجنگل دمگئے نندوک زانتگ.
رَسانک ءِ ھال سرکنوکانی رِد ءَ، اُمر ءُ ابدلگپور چُنت سال ءَ پیش پہ ھوریں مواد ئے پرمندھیا، یزد ءَ دزگیر ءُ گوں پرمندھئے دیمروی ءَ چہ انکلاب آمیدگِس ءَ پاھو ئے ھُکم دئیگ بوتگ اَنت.
دویں بندیگانی نزّیکیں مردمانی رِد ءَ، یزد ئے بندیگجاہ ءِ زمّهواران ءَ آیانی لوگئے مردم زنگ جتگ اَنت ءُ چہ آیان ءَ لوٹتگش پہ گُڑسریں دیدار ءَ یزد ئے بندیگجاہ ءَ سر ببنت. گوستگیں روچ ءَ آیانی گُڑسریں دیدار بوتگ.
Be the first to comment