بیرجند ئے بندیگجاہ ءَ دو روچ ءَ پد ماں پد، دو بلوچیں بندیگ بید چہ ھاندانئے سهیگ کنگ ءَ پاھو دئیگ بوتگ

رَسانک نیوز/ یکشمبئے ءُ دوشمبئے 24 ءُ 25 ھُرداد ماہ 1405، دو بلوچیں بندیگ کہ پیشترا پہ مواد ئے الزاما دزگیر ءُ گوں پرمندھئے دیمروی ءَ پاھو ئے ھُکمئے وارتگ، بید چہ ھاندان ءُ لوگئے مردمانی سهیگ کنگ ءَ پاھو دئیگ بوتگ اَنت.

اے بلوچیں بندیگانی پجّار «مهمدامین نارویی»، 57 سالگ، الی ھان ئے چُک، آروس کرتگ ءُ سئے زھگئے پت، دُزاپ ءِ نندوک۔ «بلال سئادت جهانی (گرگیج)»، 35 سالگ، کجیر ئے چُک، آروس کرتگ ءُ سئے زھگئے پت، بُندر ءَ بلوچستان ئے نندوک ءَ گلستان ءَ آزاد شهر ئے اللہ آباد دمگئے جهمنند زانگ بوتگ.

ھال وشّ ءِ ھالانی رِد ءَ، مهمدامین سال 1401، بلال سال 1402 ءَ ماں بیرجند ئے سهل‌آباد ءَ پہ مواد ئے جتائیں پرمندھان ءَ نزامی ٹولی ءَ آیاں دزگیر ءُ چہ اُدئے انکلاب آمیدگِس ءَ پاھوئے ھکم دئیگ بوتگ اَنت.

مهمدامین ماں 22 ھُرداد ماہ ءَ پہ ایوکیں واڈ ءَ شور دئیگ ءُ ماں 24 ھرداد ماہ ءَ بید چہ ھاندانئے سهیگ کنگ ءُ گُڑسریں گِندوک ءَ پاھو دئیگ بوتگ۔ بلال ھم 24 ھرداد ماہ ءِ شپ ءَ پہ ایوکیں واڈ ءَ شور دئیگ بوتگ ءُ گوں مهمدامین ئے جاوارنی وڑ ءُ پئیما بید چہ گُڑسریں دیدار ءَ پاھو دئیگ بوتگ.

گوَشنت کہ پیش چہ اشیا ماں سال 1398 ءَ بلال ئے پت گوں «کجیر سئادت جهانی گرگیج» ئے پجّار ءَ یک امنیتی پرمندھئے دیم ءَ ماں مشهد ئے وکیل‌آباد بندیگجاہ ءَ پاھو دئیگ بوتگ.