رَسانک نیوز/ دوشمبے روچ 11 ھُرداد ماہ 1405، دُزاپ ءِ شیرآباد دمگئے آزادی 58 روڈ ءَ سادہ پوشیں امنیتی ٹولی ءَ بلوچ نوک ورنا ئے لوگئے سرا اُرش ءَ پد، آیی دزگیر کرتگ ءُ چیریں جاگهی برتگ.
رَسانک ءَ اے بلوچئے پجّار «ھمیداللہ مزارزھی»، 23 سالگ، نجیب اللہ ئے چُک، بُندر ءَ دُزاپ ءِ شیرآباد دمگئے نندوکیں مردمی زانتگ.
رَسانک ئے ھال سرکنوکانی رِد ءَ، امنیتی ٹولی ءَ بید چہ سرکار ئے ھُکم ءَ اے بلوچ دزگیر کرتگ۔ ھمیں وڑا انّیگیں وھدا امنیتی ٹولی مدام گوں اے دمگئے سرا اُرش ءُ تُرس ءُ بیم ئے ماھول ئے جوڑ کنگ ءَ ورنایان ءَ دار اَنت پٹ ءُ پول ءُ جُست ءُ پُرس کننت.
ھال سرکنوکان ءَ گوشتگ امنیتی کارمند مدامی اے کارواییانی تها، ورنایان ءَ ھکیر ءُ لهتیں برا لٹ ءُ شاپ کننت۔ اے پئیمیں پیش آتک دمگئے نندوکیں مردمانی دل پریشانی پہ امنیتی جاورانی تُرند کنگ ءُ جهمنندی ھکّانی پادلپاش کنگ ءَ ماں دُزاپ ءِ شیرآباد دمگ ءَ گیش کرتگ.
Be the first to comment