انسارالپُرکان گل ءَ، دُزاپ ءَ نزامی ٹولیئے سرا اُرش ئے زمّهواری منّتگ

رَسانک نیوز/ چارشمبے 9 اردیبھشت ماہ 1405، انسارالپُرکان سلاہ بندیں گل ءَ دُزاپ ءَ انتزامی گاڑی ئے سرا اُرش ئے زمّهواری منّتگ۔ اے اُرش سباھئے ساھت 8:30 ئے وھدا ماں باکری روڈ ءُ کمّے پد چہ شیرآباد ئے ھڈّ ایردئیا کنگ بوتگ ءُ گوں سئے نزامی کارمند ئے کُشگ بئیگ ءُ یک کارمندییے ٹپّیگ بوھگ ءَ آسر بوتگ.

اے اُرش ءَ «الی اسگر گلدوی»، استوار یک «مهمد رزا نزام دوست» بُندر ءَ زھک ئے نندوکیں مردم ءُ ستوان یک «الی مومنی» بُندر ءَ زابل ئے مردم ءُ دُزاپ ئے جھمنند کُشگ بوتگ اَنت ءُ ھمیں وڑا یک دگہ نزامی کارمندی ھم ٹپّیگ بوتگ کہ تاں اے وھدا آییئے پجّار گوشگ نہ‌ بوتگ.

پیشترا رَسانک ئے ھال سرکنوکان ءَ گوشتگ کہ دُزاپ ءَ چہ سلاہ بندیں مردمانی، انتزامی ٹولیئے سرا تیرگواری ءَ لهتیں چہ نزامیاں کُشگ ءُ لهتیں دگہ ٹپّیگ بوتگ اَنت۔ گوں اے ویل ءَ امنیتی ءُ سادہ پوشیں انتزامی کارمند جاھا سر بوتگ ءُ شیرآباد ئے راہ ءُ ڈَکّ اِش بستگ اَنت.