رَسانک نیوز/ چارشمبے 2 اردیبھشت ماہ 1405 ءِ بیگاہ ءَ، راسک ئے جکیگور دمگ ءَ سپاہ ءِ ٹولی ءَ لندکروز گاڑی ئے سرا تیرگواری کرتگ، اے تیرگواری ءَ گاڑیئے نندوکیں دو مردما تیر وارتگ ءُ جاھا ساہ داتگ.
کُشگ بوتگیں دویں بلوچانی پجّار «مهمداسلام سئیدی»، کِساس 31 سالگ، موسّائے چک ءُ «مهمداکرم اھتری»، کِساس 28 سالگ، مرادمهمد ئے چُک ھر دو سرباز ءِ سرکور ھند ءَ دارچوب دمگئے نندوکیں مردم زانگ بوتگ اَنت. گوشنت سپاہ ئے ٹولی ءَ بید چہ پیسریں جار ءُ دلگوش دئیگ ءَ آیانی گاڑی ئے سرا تیرگواری کرتگ کہ گاڑی ءَ نندوکیں دوئیں مردمان ءَ تیر وارتگ ءُ کُشگ بوتگ اَنت.
گوں سرکاری ادارھاں جُڑتگیں میڈیا چُش کہ پارس ءَ چہ امنیتی ھال سرکنوکانی نیمگ ءَ گوشتگ راسک ءَ سلاہ بندیں ٹولیئے ھِلاپ کاروایی ءَ گل ئے چُنت مردم کُشگ بوتگ، ھمیں تچکی ءَ سرکاری میڈیا ءَ دو بلوچئے اَکس ءُ بُت شنگ کرتگ اَنت کہ آیانی دیم ئے چیر داتگ ءُ زمینئے سرا دراجش کرتگ اَنت.
Be the first to comment