پہرہ ءَ سلاہ بندیں دُزّانی تیرگواری ءَ بلوچے کُشگ بوتگ

رَسانک نیوز/ دوشمبے روچ 29 پروردین ماہ 1405، ماں یکّے چہ پہرہ ئے مزنیں روڈان ءُ کلانتری دیما سلاہ بندیں مردمانی تیرگواری ءَ کہ گوشنت سلاہ بندیں دُزّ ءُ آیانی مراد دُزّی بوتگ بلوچی ءَ تیر وارتگ ءُ کشگ بوتگ.

اے بلوچئے پجّار «پیام اللہ‌آبادی»، 22 سالگ، دادالی ئے چُک، بُندر ءَ نرماشیر ئے نندوک ءُ انّیگیں وھدا پہرہ ءَ جھمنند زانگ بوتگ۔ آئی گاڑیانی مکانیکی ئے کارے کرتگ.

اے ھالئے رِد ءَ، ویل ماں پہرہ ئے نور روڈ ءُ کلانتری ئے دیما پیش آتکگ کہ چُنت سلاہ بندین ءُ پجّار نہ بوتگیں دُزّان ءَ آییئے سرا تیرگواری کرتگ ءُ کُشتگ۔ گوَشنت سلاہ بندیں مردم دُزّ بوتگ اَنت ءُ پد چہ اشیا کہ آییا وتی موبایل نہ داتگ دُزّان ءَ تیرگواری کرتگ ءُ کُشتگ.