رَسانک نیوز/ شمبے روچ 22 پروردین ماہ 1405 ءَ، جالک ءَ سلاہ بندیں مردمان ءَ سپاہ ءِ جھمنندیں کارندگیئے سرا ھماں وھدا کہ وتی لوگئے دپ ءَ اُشتوک بوتگ تیرگواریش کرتگ ءُ کُشتگ.
اے مردمئے پجّار «مدد سپاھی»، پئکیرممد ئے چُک، بُندر ءَ جالکئے نندوکیں مردمی زانگ بوتگ.
ھال وشّئے ھالانی رِد ءَ، ھماں وھدا کہ مدد سپاھی ءَ وتی کارئے پاس ھلّینتگ ءُ لوگ ءَ واتر بوتگ، لوگئے دپ ءَ سلاہ بندیں مردمان ءَ کہ پٹ پٹیا سوار بوتگ اَنت آئی ءِ سرا تیرگواریش کرتگ ءُ چہ جاہ ءَ در شُتگ اَنت۔ اے بلوچے جھمنند ءُ لہتیں چہ آییئے براتاں سپاہ ئے جھمنندیں کارندگ زانگ بنت.
گوَشنت مدد چہ اشیا کہ سپاہ ئے بھر بوتگ وتی نارزایتی درشان کرتگ ءُ گوشتگ اے کار پہ زور آییئے سرا دیگ بوتگ۔ آییا چُنت رَندا لوٹتگ چہ اے ٹولی ءَ دست بہ کَشّیت. اسپند ماہ 1404 ءَ ایران ءُ آمریکا۔اسراییلئے جنگ ئے بُنگیجئے وھدا آیی چہ کارئے کنگ ءَ دست کَشّتگ، بلے پد چہ بیہار ءُ کانونی کاروایی ئے ترس ءَ کہ لوٹتگش پہ آئی ءَ ھائن ئے پرمندہ جوڑ بکننت چہ ناچاری ءَ وتی کارا پد ترّتگ.
داں انگتا جنوکانی پجّار ءُ آیانی سوب چہ اے کار زانگ نہ بوتگ.
Be the first to comment