رَسانک نیوز/ مروچی سئےشمبے 5 اسپند ماہ 1404، راسک ءِ جکیگور دمگ ءَ گاڑی یے سلاہ بندین ءُ بے پجّاریں مردمان ءَ بلوچی یے سرا تیرگواری کرتگ کہ آئی ءَ تیر وارتگ ءُ ساہ داتگ.
رَسانک ءَ اے بلوچئے پجّار «اِمران بری»، گلاممھمد ئے چُک، راسک ءَ پیشن ءِ گزدان دمگئے نندوکیں مردمی زانتگ.
رَسانک ءِ ھال سرکنوکانی رِد ءَ، گاڑی یے سلاہ بندین ءُ پجّار نہ بوتگیں نندوکان ءَ اے بلوچئے سرا تیرگواری کرتگ کہ آئی ءَ چُنت تیر ماں سینگ ءَ وارتگ ءُ جاہ ءَ ساہ داتگ.
جنوکاں تیرگواری ءَ پد، چہ جاہ ءَ در شُتگ اَنت ءُ داں انگت ءَ آیانے پجّار ءُ سوب زانگ نہ بوتگ.
ھال سرکنوکان ءَ گوشتگ: پیسرا ھم امران ئے برات کہ آئی ءِ نام سلمان بوتگ گوں سیادیئے ھوری ءَ ماں تاریک 15 آبان ماہ 1403 ءَ پہ گمان داریں وڑی ءَ بیگواہ کنگ بوتگ، بیگواہ بوھگئے 13 روچ ءَ پد آئی ءِ بے ساھیں جون ماں گندلی پتایگ ءُ پیشن ءِ سدّ ءَ دور دیگ بوتگ۔ سلمان ھم گوں تیر ءَ کُشگ بوتگ.
Be the first to comment