رَسانک نیوز/ پنچشمبے 18 دی ماہ 1404 ءَ، دُزاپ ءِ نندوکیں بلوچے کہ سئےشمبے روچ 10 دی ماہ 1404 ءَ پہ کار ءَ مازندران ئے ساری شہر ءَ شُتگ، امنیتی ٹولی ءَ دزگیر کرتگ ءُ نہ روچ ءَ پد داں انگت ءَ آئی ءِ ھالے سرپدئے نیست اِنت ءُ نہ کہ دارگئے جاگہی سرکاری رنگ ءَ زانگ بوتگ.
اے بلوچئے پجّار «مهمود کاشانی»، 21 سالگ، دُزاپ ءِ شیرآباد دمگئے نندوکیں مردمی زانگ بوتگ.
اے ھالے رِد ءَ، امنیتی ٹولی ءَ مهمود ماں تاریک 10 دی ماہ ءَ چہ مازندران ءَ پرتقال ئے منڈی ءَ دزگیر کرتگ۔ پہ مهمود ئے دزگیر کنگ ءَ کریب دہ کارندگ گوں دو پژو پارس گاڑی ءُ یک سمندی ءَ جاہ ءَ سر بوتگ اَنت ءُ بے جُست پُرس ءُ سرکارے ھُکم ءَ آئی ءَ دزگیرش کرتگ.
گوشنت: بلوچیں ورنا ئے دزگیر بوھگ ءَ پد داں انگت نہ دارگ ئے جاگہ ءُ نہ آئی ءِ سرا بستگیں الزام زانگ بوتگ۔ ھاندان ءُ لوگئے مردم پہ وتی چُکّئے ھالے سرپدئے مازندران سوبہ ئے جُست ءُ پرسی ادارہ، آمیدگِس، پاسگاہ ءُ اے دگہ امنیتی ادارہ آں باز تر ءُ تاب کرتگ، بلے لوگئے مردمان ءَ بس اے پسّو دیگ بوتگ کہ مردمی گوں اے پجّار ءَ دزگیر نہ بوتگ.
اولین نفری باشید که دیدگاه مینویسد