رَسانک نیوز/ پنچشمبے روچ 17 مہر ماہ 1404 ءَ، دُزاپ ءِ بازار روز ءَ، سادہ پوشیں امنیتی ٹولی ءَ در کانون ءُ زور ءُ ھژم ءِ سرا بلوچے ئے دزگیر کنگ ءِ جُھد کرتگ۔ بلے آئی امنیتی ٹولی ءِ دیم ءَ اُوشتاتگ ءُ ٹکّری زورتگ۔ دمگ ءِ مردمانے میانجی گری ءَ گوں امنیتی ٹولی پہ آئی ءِ آوار جنگ ءَ سوبیں نہ بوتگ. ھماں کہ چمّ وت اے ویل دیستگ، گوشتگش: سادہ پوشیں امنیتی کارمںداں بید چہ وتی پجّارے درا کنگ ءَ لوٹتگ آئی ءَ دزگیری ءَ گوں آوار بہجننت۔ بلے اے بلوچ ءَ کوکار ءُ جاک کرتگ ءُ آیانے دیم ءَ اُوشتاتگ ءُ لوٹتگےکہ کلانتری کارمند جاہ ءَ سر بہ بنت.
شنگ بوتگیں ویڈیو ءَ امنیتی کارمندانے گوں اے بلوچ ءَ دپّ جنگی ءُ دست جنگی ءَ شرّی ئے سرا درا کرتگ ءُ پیش داشتگ. امنیتی ٹولی آئی ءِ دزگیر کنگ ءَ سوبین نہ بوتگ ءُ پد چہ ایشی ءَ کہ نزامی ٹولی جاہ ءَ سر نہ بوتگ، چہ اُداں در شُتگ اَنت.
گوشگ لوٹیت: چُنت ھپتگ اِنت ماں بلوچستان ءِ شہراں چُش کہ دُزاپ امنیتی ٹولی ءِ بلوچانی وت سریں دزگیر کنگ ءُ پہ زور ءُ ھژم ءِ سرا گوں آیاں پیش آھگ ءَ سماجی جُھدکاران ءُ جھمنندانے دل پریشاں کرتگ۔ اے جاوراں درا کننت کہ سرکار ءِ بلوچستانے ایمنی ءِ ھالات ءِ تُرند کنگ داں انگت ءَ برجاہ اِنت ءُ نزامی ادارہ آنے پہ جھمنںدانے ھکّ ءَ دلگوش نہ بئیگ درا کنت.
Be the first to comment