رَسانک نیوز/ یکشمبے 23 شہریور ماہ 1404 ءِ بانگواہ ءَ، دُزاپ ءِ بندیگجاہ ءَ بلوچے بندیگے کہ دیمترا پہ کوش ئے الزام ءَ دزگیر ءُ پاھو ئے ھُکم وارتگ، پاھو دیگ بوتگ.
اے بلوچے بندیگے پجّار «الیاس شیروزھی»، 27 سالگ، ابدلرھمان ءِ چُک، بُندر ءَ دُزاپ ءِ نندوکیں مردمے زانگ بوتگ.
رَسانک ئے ھال سرکنوکان ءَ گوشتگ: پنچ سال دیمترا دُزاپ ءَ نزامی ٹولی الیاس ءَ پہ کوش ءِ الزام ءَ دزگیر کرتگ۔ اُدے اِنساپ دیوکیں ادارہ ءَ گوں پروندہ ئے دیمروی ءَ آئی ءَ پاھو ئے ھُکم داتگ.
ھال سرکنوکانے رِد ءَ، یک روچی پیسر چہ پاھو دیگ ءَ دُزاپ ءِ بندیگجاہ ءِ زمہ واران ءُ مستر آن ءَ الیاس ءِ ھاندان ءُ لوگے مردم پہ گُڑ سریں دیدار ءَ لوٹتگ۔ اے پیم الیاس ءَ گوں لوگے مردماں گُڑ سریں دیدار کرتگ.
@rasanknews
t.me/rasanknews
Be the first to comment