رَسانک نیوز/ زی پنچشمبے 15 ھُرداد ماه 1404 ءَ، واش ءَ بے پجّارین ءُ سلاہ بندیں مردمان ءَ، بلوچئے سرا آئی ءِ لوگ ءِ دپ ءَ تیرگواری کرتگ آئی ءَ ماں پاد ءَ تیر وارتگ ءُ ٹپیگ بوتگ ءُ پہ درمان ءَ واش ءِ نادراهجاہ ءَ سر کنگ بوتگ.
رَسانک ءَ ٹپیگ بوتگیں بلوچ ورنائے پجّار «ھمید پرزام پر» 26 سالگ، رزا ءِ چُک ءُ بُندر ءَ واش ءِ نندوک زانتگ.
رَسانک ءِ ھال سرکنوکان ءِ رِد ءَ، ھمید لوگ ءِ پیش در ءَ وتی گاڑی ءَ شودگ ءَ بوتگ کہ سلاہ بندیں مردمان ءَ آئی ءِ لوگ ءِ دروازگ جتگ ءُ لوگ ءِ دروازگ ءِ پچ بوھگ ءَ آیان ءَ ھمید تیر کرتگ ءُ آئی ءَ پاد ءَ تیر وارتگ ءُ ٹپیگ بوتگ، پہ درمان ءَ واش ءِ ھمینی نادراہجاہ ءَ سر کنگ بوتگ.
جنوکانی پجّار ءُ آیانی سوب چہ اے کار ءَ داں اے وهد ءَ زانگ نہ بوتگ.
Be the first to comment