رَسانک نیوز/ 17 تیر ماہ 1405 ءَ، کلات گنج ئے تمگران دمگئے نزّیک ءَ ٹیلکشّیں باری نیسان ءُ پژو 405 گاڑیانی ٹوکر ورگ ءَ، پژو گاڑییے سئے نندوک ءَ ساہ داتگ، آیانی ھوری ءَ چار مردم دگہ ھم ٹپّیگ ءُ پہ درمان ءَ نادراہجاہ ءَ سرکنگ بوتگ اَنت.
رَسانک ءَ ساہ داتگیں جهمنندانے پجّار «پرھاد سرپرازی» ءُ «سئید درزادہ»، ھر دو گِہ ئے چامپ دمگئے نندوک زانتگ ءُ «مهراب تیزبین» آروس کرتگ، سئے چُکّئے پت، بُندر ءَ پنّوچ ءَ کتیچ زِلّهئے کرھمت دمگئے نندوک ءِ زانتگ ءُ آ دگہ چار ٹپّیگ بوتگیں مردمانی پجّار داں انگتا زانگ نہ بوتگ.
رَسانک ءِ ھال سرکنوکانی رِد ءَ، اے ٹوکر تمگران دمگئے نزّیک ءَ پیش آتکگ ءُ دویں گاڑی بُن گِپتگ اَنت، کہ چہ پژو گاڑییے پنچیں نندوکان، دو نندوک ءَ نہ توانتگ وت ءَ چہ گاڑی ءَ ڈنّ بکننت ءُ ساھش داتگ ءُ یکّے دگه مان نادراہجاہ ساه داتگ، اے ویل ءَ ٹپّیگ بوتگیں آ دگہ مردم کلات گنجئے نادراہجاہ ءَ سرکنگ بوتگ اَنت.
Be the first to comment