رَسانک نیوز، چارشمبے روچ 24 اردیبھشت ماہ 1404 ءَ، سرباز ءِ نسیرآباد دمگ ءَ چیریں ادارے کارمندان ءَ یک 14 سالگیں بلوچ زھگی ءَ پہ زور ءُ زپتی ءَ آوار جتگ.
اے زھگ ءِ پجّار «ساله بھرامزھی»، 14 سالگ، مولوی ھبیب الرھمن ءِ چُک، سرباز ءَ نسیرآباد دمگ ءِ جھمنند زانگ بوتگ.
ھال سرکنوکانی رِد ءَ چیریں ادارے کارمندان ءَ ھماں وھد ءَ ساله آوار جتگ کہ آئی گوں وتی ھمسروگاں لیب ءُ گوازی ءَ دلگوش بوتگ، چیریں باسک ءِ کارمندان ءَ آئی ءَ پہ زور ءُ زپتی ءَ ماں گاڑی ءِ پدیں ڈبّہ ءَ مان کرتگ ءُ گوں وت ءَ برتگ.
گوشگ لوٹیت: آوار جتگیں زھگ ءِ مستریں برات «کاسم بھرامزھی»، ماں تاریک 18 آبان 1403 ءَ، راسک ءَ سپاہ ءِ سرا اُرش ءِ وھد ءَ کُشگ بوتگ، آئی ءَ پد جیش العدل ءِ گل ءَ سپاہ ءِ کاروان ءِ سرا اُرش منّتگ ءُ گوشتگ: مئیگ چُنت ورنا اے ٹکّر ءَ ندر بوتگ اَنت. اے زھگ ءِ ناکو (پت ءِ برات) «ایوب بھرامزھی» ھم ماں سال ءِ 1392 ءَ دُزاپ ءَ 16 بندیگ ءَ ھور پاھو دیئگ بوتگ۔ آیانی الزام سرکار ءِ ھلاپ بگاوت گوشگ بوتگ.
Be the first to comment