رَسانک نیوز، زی 4 اردیبھشت ماہ 1404 ءَ جمالزھی کبیلہ ءَ سہ اِمیں تپاکی ءُ یک مشتی ءِ مزنیں دیوان ءَ ماں دُزاپ ءِ شھر ءَ برجم داشتگ۔ اے دیوان ءِ برجم دارگ ءِ سوب جمالزھی کٹھمدان ءِ تپاکی ءُ یک مشتی ءِ گیشتر کنگ، گوں اے دگہ بلوچ کبیلہ ءُ کٹھمداناں زانگ بوتگ.
اے دیوان ءَ بازیں بلوچ اسپیت ریش ءُ کماشیں مردمان ءَ چہ تمامیں بلوچستان ءَ بھر زورتگ. اے دیوان جمالزھی کٹھمدان ءِ ماں آذر ماہ ءُ بھمن ماہ 1403 ءَ، برجم بوتگیں دیوان ءِ بھر زانگ بیت کہ ماں واش ءُ نھبندان ءَ برجم بوتگ اَنت.
اے دیوان ءِ مراد اِیش اِنت کہ بلوچاں وت پہ وتی اَڑ ءُ جیڑاں بل اَنت ءُ دیمروی ءِ سوچ ءُ پِگر ءَ بہ بنت. بلوچ کوم گوں یک ءُ دگرا تپاک ءُ یک مشت بہ بنت داں کہ آیان ءِ دژمن ھچ براں گَل ءُ شاداں مہ بنت. جمالزھی کٹھمدان ءَ پہ تپاکی ءَ گوں دگہ بلوچ کبیلہ ءُ کٹھمدانان ءَ وتی کپگ ءِ جار جتگ ءُ وتی دستان ءَ پہ تپاکی ءَ ھم مشت بہ یئگ ءَ آیانی دیم ءَ شھارتگ.
Be the first to comment