زرباری بلۆچستانئے دمگان گۆن اُگدهدارانی بی پرواهیا ڈنگی تپئے نادراهی گێش بوتگ

رَسانک نیوز

گوستگێن ھپتگان بلۆچستانئے زرباری دمگان ھاسێن رنگا چهبار و دشتیاری شھراں بازێن شھریئے مردم ڈینگیئے نادراھیا گپتگ‌اَنت و واکداران اے جێڑائے بارئوا نادراھیئے ھال داتگ که چه اِشیا سدان مردم اے نادراھیا گپتگ‌اَنت.

اے درگتا رستگێن هالان چه پَدّر اِنت که چهبارئے پزشکی زانتانی دانشکدهئے کارندهان چهبارئے امام اَلی نادراھجاها نادراهانی داخل کنگئے آسراتی و بستریئے نبئیگئے سئوبا لهتێن جاهان نادراهانی جوانێن درمان نکُرتگ و آیان گوَشتگ‌ که اے نادراهانی اِلاجئے اڈی اێوکا گُلکۆسئے جنگا بیت و چه گێشترێن هزمت دئیگا چہ انکار کرتگ.

زانگ ببیت که چارشمبهئے رۆچا ۵ دئے ۴۰۳، چابهارئے پزشکی زانتئے دانشکدهئے جانئے سلامتیئے بہرئے نادراھیانی سرۆک “پرامرز مبارکیا” گوَشتگ‌: “چهبارا و شهرانے که چهبارئے دستئے چێرا اَنت ۸۳۴ ڈنگیئے تپ گێش بوتگ که ۹۶ درسد چهبارئے جندئے مردمان گپتگ.

گوَشگ ببیت که تپ، سردرد، کمر درد، چمّئے پُشتئے درد، جۆش و پۆستئے هسّاسیت و لهتێه وهدا هۆن رێچی ادس نۆکئے نێمگا چه ڈنگی تپئے نشانان اِنت.