راسکا پێرۆزآبادئے اُرشا که جئیشُل اَدلا اُرش کُرتگ سرگرد پاسدار سیید پروین نژاد کُشگ بوتگ

رَسانک نیوز

یکشَمبِهئے رۆچا ۲۰ آبان ۱۴۰۳، امنیتی جُنزان هکومتی رسانکان چه سیید پروینئے هالا که آییی المهدیئے تیپئے ۳۳ئے کادرے بوتگ که جُمَهئے رۆچا ۱۸ آبان جئیشُل اَدلئے اُرشا پێرۆزآبادا راسکئے دمگان کنگ بوتگ آییئے کُشگ بئیگئے هال شِنگی کُرتگ.

گێشێن هالانی رِدا، سرگرد سیید پروین نژاد گۆن تیرئے لگّگا چه سرئے نێمگا مرگ مگزی بوتگ که بازێن ٹپّانی سئوبا یکّے چه دُزآپئے نادراهجاهان وتی ساهی چه دستا داتگ.

گوشگ بیت پێسرا هم بلۆچستانئے سپاهئے رزمایشئے گوَشۆکا یکّے چه سپاهئے نیروانی کُشگ بئیگئے هال چه تیپ ۳۳ المهدیئے هاسێن نیروانی هال گۆن (مهمد رزا رستمی نژاد)ئے پجار پارسئے اُستانا جمهئے اُرشا پێرۆزآباد چه راسکئے دمگان شِنگ کُرتگ بله چه ٹپّیگ بوتگێنانی هالا هچ هبرے شنگی نکرتگ.

گۆن اے اُرشا جئیشُل اِدلا اے اُرش کبول کُرتگ و گوشتگی چار مردم چه آیانی مردمان کُشگ بوتگ‌اَنت که کم چا کم دئوازده مردم چا سپاهئے مردمان پێرۆزآبادئے اُرشا راسکئے دمگان جمهئے رۆچا کُشتگ و ٹپّیگ کرتگ‌اَنت.