رَسانک نیوز

سئےشمبه رۆچا ۱۶ مرداد ۱۴۰۳، یک ورناهێن بلۆچے زهکئے شهرئے مَزَن‌گوَرمئے بُکّگئے گۆما وتی ساهی چه دستا داتگ که رَند چه ۱۹ ساهت پَٹّ و پاسئے گۆما زی چارشمبهئے رۆچا ۱۷ مرداد آییئے لاش چه دریاچها درگێجگ بوتگ.

اے بُکّتگێن جهمنندئے پجّار (مسلم شیرزایی[همر])، ۱۷ سالگ، نۆرۆزئے چُکّ و کپتارگیئے هلکئے مردم چه زهکئے شهرئے دمگان گوَشگ بوتگ.

همے هالانی رِدا، سئےشمبه رۆچا مسلم گۆن وتی دگه چُنت سنگتا په هۆژناگئے واستا مَزَن‌گوَرمئے تها شتگ‌اَنت که آپئے بازی و هۆژناگئے نزانگئے سئوبا بُکّتگ و گار بوتگ که رَند چه هلکئے مردمانی و هلال اهمرئے نیروانی پَٹّ و پاسا رَند چه نۆزده ساهتا آییئے لاش در گێجگ و چه آپا کشّگ بوتگ.