رَسانک نیوز
جمهئے رۆچا ۲۲ تیر ۱۴۰۳، واشئے مُدامی آپئے کهت بئیگ و اے شهرئے آپ و پازلاپئے اُگدهدارانی بێپگری، په جمهنند و اے شهرئے مردمانی واستا مشکلانی اڈّ بئیگئے سئوب بوتگ.
چه بازێن رستگێن هالان، واشئے لولهئے آپ هر رۆچ ساهت یازدها نامالومێن سئوبیا کهت بیت و لهتێن جاهان تان آدگه رۆچا سُهبا آپ کئیت که اے کار بازێن مشکلے په جهمنندانی واستا اڈی کُرتگ.
واشئے تها آپئے کهتی در هالے اِنت که هئوائے گرمی سکّ باز بوتگ و لولهئے تها آپئے نبئیگئے سئوبا مردم ناچار اَنت گۆن گرانێن کیمتے آپ په بها بزور اَنت.
بے آپی و آپئے بُهران واشئے تها در هالے اِنت که جهمنندانی بازێن لۆٹگا، نه اداره آپ و پازلاپئے سرمستر و نه اے دگه اُگدهدار چۆ پرماندارا، هچ وڑێن کارے په اے مشکلئے دور کنگئے واستا نکُرتگِش.
Be the first to comment