بلۆچ بندیگےگۆن سندئے اێر کنگ زمانتا چه دُزّاَپئے زندانا آزات بوتگ

رَسانک نیوز

گوستگێن رۆچا 5 دی ماه 1402، یک بلۆچ راجمانی و مزهبی جُهدکارے، مگسئے شهرا امنیتی نیروانی دستا آوار جنگ و نامالومێن جاگهئے برگ و دارگ بوتگ، چه بازێن کۆششێا و رَند چه 14 رۆچ گۆن سندئے اێر کنگئے زمانتا چه دُزّاَپئے زندانا آزات کنگ بوتگ.

اے بلۆچ باشندهئے پجّار “سئیدمهمد ادریس سالهزهی اِنت”، اُمری 42 سال اِنت، سور کُرتگ و سئے کسانێن چُکّئے پِت اِنت و گوشگَ بیت آشارئے نندۆک اِنت.

سالهزهی سئےشمبهئے رۆچا 21 آزر 1402 رند، چه اشی که اِتلاهاتئے نیروان آییئے جهمنند جاها مگسئے شهرا آییئے لۆگا اُرش برتگ و آوار جتگ، سالهزهی بے و بُندرا وت هم مگسئے شهرئے جهمنند اِنت.

سربوتگێن هالان ردا، اتلاهاتئے نیروان دوشمبهئے رۆچا 20 آزرا” آ اِش لۆٹتگ که بسیجئے کارگِسا برئوت بله آییا اے لۆٹێنگ بێدلیل و گئیر کانونی زانتگ و چه بسیجئے کارگسئے رئوگا دوری کُرتگ.

گوشگ بیت که مهمد ادریس گۆن 200 ملیونی سندئے اێر کنگا، چه دُزاَپئے زندانا آزات کنگ بوتگ.

گوشگی اِنت که سئیدمهمد ادریس چه آشارئےجُهدکار و کارگُشادان اِنت و مُدام چه اُگدهدارانی سُستێن کارانی سرا ایراز کپتگ هبری کرتگاَنت.