رَسانک نیوز
چارشمبه ۲۲ آزر ۱۴۰۲، یک لاپ‌پُرێن ماتے په چِلّه بئیگا گِهئے (محمد رسول الله)ئے نادراهجاهئے چِلّهجاها واپێنگ بوتگ و زانتکارێن دکترئے نێستیا و هۆنرێچیئے سئوبا وتی جانی چه دستا داتگ.
اے جهمنندێن بلۆچئے پجّار “مریم بلۆچی” نێکشهرئے دمگان دارُکانئے هلکئے مردمے گوَشگ بوتگ.
رستگێن هالانی رِدا، مریم بلۆچئے هال پێسر چه واپێنگا برابر بوتگ بله په پکاهیئے واستا چلّهجاها شُتگ بله زانتکارێن دکترئے نێستی که آییا چلّه بئیگئے گئیر پکاهێن وهدے گوَشتگ.
پدا هم گیمّارا وتی چلّه بئیگئے نرسگئے وهد و دو پێسریگێن چلّه بئیگ اێلام کُرتگ‌اَنت گۆن دکترئے گئیر هکیکتێن چلّهئے وهدئے پَجّاه آرگ و چلّهی آمپولئے جَنَگا گیمّارِش چلّه کُرتگ.
گوشگ بیت رَند چه چلّه بئیگا، چُکّئے ماتا سک هۆنرێچی کُرتگ چۆ که آییئے هالئے بدیئے گۆما، دکترا دستور داتگ که آییا (آی سی یو)ئے تها ببرنت بله رَند چه چُنت ساهتا وتی جانی چه دستا داتگ.
گوشگی اِنت که مریم بلۆچ یک دورێن هلکیئے زندگی کنگئے سئوبا و الکاپێن راهئے نێستیئے سئوبا دو رندا سُنتی درۆشما چِلّه بوتگ بله وتی چُکّانی دَرسئے وانگئے واستا دارُکانئے هلکا آتکگ که ادان کمّکے گهتر و شهرا چه نزّیک‌تر اِنت همے واستا سئیمی چلهیئے واستا نێکشهرئے نادراهجاها شُتگ.
گوشگ ببیت که گوَستگێن سالانی تها بازێن هسابے چه لاپ‌پرێن ماتانی بێران بئیگ، هاس بلۆچستان و سیستانئے اُستانا و اێرانشهرئے علوم پزشکیئے چێر دستێن نادراهجاهان رستگ بله مردم انگت چه زانتکارێن دکترانی نێستی و مناسبێن درمانی و بهداشتی چیزّانی نێستیا رنج برنت.
Be the first to comment