رَسانک نیوز
پنچشمبه ۹ آذر ۱۴۰۲، زاهدانئے زندانئے اُگدهداران دو بلۆچئے اێدامئے هُکم اے زندانئے تها اجرا کُرتگ.
هال وش، اے دوێن بلۆچێن جهمنندانی پجّار “ناسر ازبگزهی(رکشانی)”، ۲۲ سالگ، موسایئے چُکّ، سور کُرتگێن و “ناسر آلیزهی”، ۲۷ سالگ، سور کُرتگێن، دو چُکّئے پِت، هر دوێن زاهدانئے نندۆک گوشگ بوتگ‌اَنت.
گۆن اے هالا، ناسر ازبگزهی ۱۴۰۰ئے سالا زندانئے تها مئوادئے جُرما دزگیر کنگ بوتگ و ناسر آلیزهی هم هما سالئے آبانئے ۲۸آ گۆن اَنچێن جُرما دزگیر کنگ و آییا وتی جُرم رَد کُرتگ بله پدا هم اے شهرئے انکلابئے دادجاها اێدامئے هُکما مهکوم کنگ بوتگ.
Be the first to comment