رَسانک نیوز

سئے شمبه ۷ آذر ۱۴۰۲، گۆن دو ماشینئے ڈیکّر ورگئے سئوبا سئےکس ٹپّیگ بوتگ. که یکّے ٹێل کشێن وانتے بوتگ و دومی رهگوَزێن ماشینے بوتگ، چه ٹێل کشّێن ماشینئے مردمان دو کس ٹپّیگ بوتگ‌اَنت.

دوێن ٹێل کشّانی پجّار “اسد شاهوزهی”، ۲۲ سالگ، مهمدئے چُکّ و سور کُرتگێن و سئے چُکّئے پت و “اَلی شاهوزهی”، ۲۲ سالگ، زاهرئے چُک و سور نکُرتگێن و هر دوێن ریگ ملکئے هلکئے مردم چه میرجاوهئے دمگان گوشَگ بوتگ‌اَنت.

چه اے سئیمی رهگوَزا که وئیلئے تها ٹپیگ بوتگ و پژو ۴۰۵ ماشینئے نندۆک اِنت هچ هالے چه آییا نێست.

گوشگی اِنت سئین ٹپّیگ بوتگێن مردم (خاتم الانبیاء)ئے نادراهجاها بَرَگ بوتگ‌اَنت و اسد شاهوزهی گۆن آ دگه ٹپّیگێن همراه هاسێن بُنپانی کِسمتا بستری کنگ بوتگ و همے زهگوزئے هال بێوڑ اێلام کنگ بوتگ.

اے هم گوَشگ ببیت که ٹێل کشی یکے چه آ کاران اِنت که بلۆچئے راج په لاچاری و کارئے نێستیا دێم په آییا شُتگ‌اَنت که بازێن هترے چۆ چپّ کنگ و دۆ گاڑیئے ڈوکّ ورگ و نیرو انتزامی و امنیتئے تیرانی دپا بئیگ، اشانا تهدید کنت.