رسانک/ دوشمبے ءِ روچ، اسپند ماه ءِ چارمی روچ ءَ ایران ءِ پوج ءَ سراوان ءِ ٹیل کشّیں موٹلانی سر ءَ اُرش بُرت ءُ تیرگْــواری کُت کہ ایشی ءِ سوب ءَ دو مردم شهید کنگ بیت انت. ایشی ءَ رند شهیدانی لوگ مردم گوں گَلّے چہ آ دمگ ءِ مردماں پہ وتی هکّ ءِ لوٹگ ءُ بلوچ راج ءِ بے گناهیں کُشت ءُ کٌوش ءِ سوب ءِ بابت ءَ آ دمگ ءِ پرمانداری ءَ شُت انت اے جُستانی پسّو ءِ لوٹوک بیت انت.
سرکار ءِ مردماں پسو ءِ دیگ ءِ بدل ءَ مردمانی سر ءَ اُرش کُرت ءُ آیان ءَ گلّینت۰ سرکاری ءِ اِے کار سوب بیت داں دزّ آپ . پهره .جکیگور ءُ اے دگہ شهرانی مردم هم چِست بہ بنت ءُ سرکاری ءِ اے وڑیں دپ کپگ گوں مردماں رد بہ گوش انت ءُ وتی تپاکی ءَ گوں سروان ءِ براتاں گوانک بہ جن انت.
مردمانی تپاکی سوب بیت کہ سرکاری سرجمیں راهاں بہ بند ایت بزاں موٹلانی راه ءِ روگ ءُ آیگ ءُ دامگ ءُ ٹلیپون بند کنگ بیت انت داں مردم چہ یک ءَ دگر ءِ هال ءَ سهیگ مہ بنت ءُ یکجاه مچ مہ بنت.
رستگیں هالانی پد ءَ دنیگا
۱۵ مردم دگہ هم کُشگ بیت ءُ گیش چہ ده مردم هم
ٹپیک ءُ بازینے هم بندیگ کنگ بیتگ سرکاری اے کار سوب بیتگ انت کہ مردم گیشتر وتی هکّ ءِ لوٹوک بہ بنت.
اِے کارءِ سَوب ایران ءِ سرکاری انت کہ مردم بے کار ءُ بے روزگار انت نوں بے روزگاری سَوب ءَ بلوچستان ءُ کردستان ءِ مردم لاچار انت کہ سیمسراں سامان اِے دیم ءُ آ دیم بہ کن انت داں چنڈے نگن پہ وتی لوگمردماں نزّ بیار انت. سرکاری پہ مردماں کار جوڑ نکنت ءُ کسے کہ چہ اے راه ءَ زرّے پد ءَ رَوت آئی سر ءَ اُرش کنت کُشیت ئِے.
نوں هچ راهے نہ منتگ بید ایشی ءَ کہ کُرد ءُ بلوچ ءُ اَرب تپاک بہ بنت ءُ ایران ءِ سرکاری ءَ چہ دیم ءَ بہ زیرانت.
اے کارمراد ایش انت کہ ایران ءِ سرجمیں راج پہ وتی لوٹاں بہ رس انت.
ما کوردستان ءِ آجوئی لوٹیں گَـلّ، سرکاری ءِ اے کار ءَ رد زانین ءُ بلوچ راج ءِ آجوئی ءِ لوٹوکیں ءُ وتی تپاکی ءَ هم جار جنیں…
انچوش چہ بین الملل ءَ لوٹیں کہ ایران ءِ هکومت ءِ دیم بہ گیپت ءُ بلوچ راج ءِ هکّانی لوٹوک بہ بیت.
Be the first to comment