مگس ءَ بلوچے بُک گپتگ ءُ ساہ داتگ کمک سرکنوکیں ٹولی دیرا جاھا سربوتگ

رَسانک نیوز/ یکشمبے 29 شهریور ماہ 1405، مگس ءِ گروک دمگ ءَ بلوچے رَند چه اشیا که آپ ءِ ابرمی چمّگ ءَ شُتگ ءُ ماں آپ ءَ بُک گپتگ، کمک سرکنوکیں ٹولییے دیرا سربوھگ ءَ ساھی داتگ.

اے بلوچئے پجّار «ابدلجلیل آسکانی»، 27 سالگ، اَلی اھمد ئے چُک، مگس ءِ ناگپهن دمگئے نندوک زانگ بوتگ.

گوَشگ لوٹیت ابدلجلیل په جانئے شودگ ءَ گروک دمگ ءَ آپ ئے ابرمی چمّگیا شُتگ ءُ بُک گپتگ. آییئے ھمراھان ءَ کمک سرکنوکیں ٹولی ءَ چار برا زنگ جتگ، بله آیاں رَند چه چار ساھت ءَ جاھا سربوتگ اَنت ءُ آییئے بے ساھیں جون ءَ چه آپ ءَ دَر کرتگ.

کمکانی دیرا سربوھگ ءَ ماں بلوچستان ئے بازیں دمگاں پیسریگیں گوَستے است ءُ مالی ءُ جانی ھسارت ئے سئوب ھم بوتگ، زمّهواراں ھچ برا اے بارئوا پسّو نه داتگ.