سرباز ءَ مار ئے ڈنگ جنگ ءَ بلوچیں جنیں چُکیا ساہ داتگ

رَسانک نیوز/ جمے 27 شهریور ماہ 1405، سرباز ئے کارچان دمگ ءَ 13 سالگیں بلوچیں جنیں چُکیا سیاہ مارا ڈنگ جتگ ءُ آییا ساہ داتگ.

اے بلوچیں جنیں چکئے پجّار «یسرا مزارزھی»، 13 سالگ، ابدلهمید ئے چُک، سرباز ئے کارچان دمگئے نندوک زانتگ.

گوشگ لوٹیت ھمک سال «سیاہ مار» که یکے چه زھرداریں ماراں زانگ بیت ماں لهتیں موسماں زرباریں بلوچستان ئے شهر ءُ دمگاں پر ریچنت ءُ داں اے وھدا زمّهواریں سروکان ءَ په اے مار ئے زھر ئے درمان ءَ ھچ پئیمیں سوچّنی جوڑ نه کرتگ ءُ نه په درمانا گامگیجی زرتگ.