رَسانک نیوز/ دوشمبے 23 شهریور ماہ 1405، دزاپ ءَ بلوچیں دینی زانتکارے که آییئے نام مولوی «یوسپ گرگیج»، زانگ بوتگ ءُ دزاپ ءِ مهمدرسولالله مسیت ئے پیش نماز بوتگ سلاہبندین ءُ پَجّار نه بوتگیں مردمانی تیرگواری ئے دپ ءَ کپتگ ءُ ساھی داتگ.
سرکاری میڈیا ءَ اے ھال شِنگ کرتگ ءُ نبشتگ: که «یوسپ گرگیج، انکلابی دینی زانتکار شهید بوتگ»، بله داں انگتا اے تیرگواری ئے ھُردیں بهر ءُ جنوکانی پجّار ءُ آیانی سئوب ئے بارئوا گیشتریں ھالے دست نه کپتگ.
سیستان ءُ بلوچستان ءَ گوستگیں تجربگانی سرا دلگوش دیئگ ءَ، رپوٹ ءُ گواہانی پٹ ءُ پول ءَ اے گپّ درا بیت که لهتیں چه اسپیت ریشیں، بابهروسهین ءُ دینی زانتکاراں که سپاه ءُ امنیتی ادارھانی گون ءَ ھمکاری اِش کرتگ اے پئیمیں ویلانی دپ ءَ کپتگ اَنت. لهتیں براں اے اُرش سلاہبندیں مردمانی سرا دیئگ بوتگ اَنت ءُ آیانی کشوک سلاہبندین ءُ بے پجّاریں مردم گوَشگ بوتگ اَنت. اے ویل سپاه ءُ امنیتی ادارھاں گوں جُڑتگیں بااسریں مردمانی کِرد ءَ په سماج ئے تها ٹاھینتگیں اَڑ ءُ جیڑے گیش کنگ ءَ درا کنت.
Be the first to comment