رَسانک نیوز/ دوشمبے 26 مرداد ماہ 1405 ءِ شپ ءَ، دُزاپ ءَ بلوچیں چکّی کہ ماں تاریک 10 مرداد ماہ ءِ شپ ءَ چہ لوگ ءَ پہ سودا ئے زورگ ءَ در آتکگ ءُ پجّار نہ بوتگیں مردمان ءَ آوار جتگ، ویلئے آ دگہ روچ ءَ آوار جنوکاں گوں آییئے لوگئے مردماں جُڑتگ اَنت ءُ 10 ملیارد ئے لوٹتگ، 16 روچ ءَ رَند آجو بوتگ.
رَسانک ءَ پیشترا اے بلوچیں چُکّئے پجّار «امیرھارس براھویی»، 11 سالگ، دُزاپ ءِ نندوک گوَشتگ. ھال سرکنوکانی رِد ءَ، آوار جنوکاں گوں چُکّئے پت ءَ رابتا ءُ داواھِش کرتگ کہ چُکّ آیانی کِرّا اِنت ءُ پہ آجو کنگ ءَ دہ ملیارد زرّ ئے لوٹ کرتگ.
رَسانک ءِ ھال سرکنوکان ءَ پیشترا گوَشتگ کہ چُکّئے پت ءِ سرا گُمان داریں پئونی گوں پاکستانئے کوڈ ءَ آتکگ. بلہ ھاندان ئے نزّیکیں ھال سرکنوکان ءَ گوَشتگ اے بُن گپّ پہ زھن ءُ ھئیالانی ٹگلینگ ءَ یک رِیپکی اِنت. زلور نہ اِنت کہ آوار جنوکاں ماں ھمے مُلک ءَ ببنت.
داں انگت ءَ چُکّئے آجو بوھگئے وڑ ءُ پئیم ئے بارئوا ءُ اِشی کہ آوار جنوکانی لوٹتگیں زَرّ دیئگ بوتگ یانکہ نہ گیشتریں ھالی دست نہ کپتگ.
Be the first to comment