سب ءُ سوران ءَ سلاہ بندیں دُزّانی تیرگواری ءَ بلوچی کُشگ بوتگ

رَسانک نیوز/ سئےشمبے 20 مرداد ماہ 1405، بلوچی کہ یکشمبے 18 مرداد ماہ ءِ شپ ءَ سلاہ بندیں دُزّانی تیرگواری ءَ کہ لوٹتگ آییئے پٹ پٹیا بدُزّ اَنت ٹپّیگ بوتگ، پد چہ دو روچ ٹپّانی درد ئے سگّگ ءَ ماں نادراہجاہ ءَ ساھی داتگ.

رَسانک ءَ اے بلوچئے پجّار «مهمدامین گمشادزھی»، اُرپ ھباب، ھُسین ئے چُک، سب ءُ سوران ئے دوربُن دمگئے نندوک زانتگ.

رَسانک ءِ ھال سرکنوکانی رِد ءَ، یکشمبے شپ ءَ امین ئے لوگئے دیما چُنت دُزّ پہ آییئے پٹ پٹیئے دُزّگ ءَ آتکگ اَنت کہ امین ءَ آیانی دیم دارگئے جُهد کرتگ، ھمیں جُهد ئے وھدا آیان ءَ امین ئے سرا تیرگواری کرتگ کہ امین ءَ تیر وارتگ ءُ ٹپّیگ بوتگ.

ھال سرکنوکان ءَ گوَشتگ اے بلوچ ٹپّیگ بوھگ ءَ رَند شستون ئے رازی نادراہجاہ ءَ سرکنگ بوتگ ءُ چہ بازیں ٹپّانی سئوب ءَ ماں I.c.u واڈ ءَ بستر اِش کرتگ. بلہ دو روچ ٹپّانی درد ئے سگّگ ءَ رَند مروچی ساھی داتگ.