جاشک ءَ سلاہ بندیں مردمی ءَ بلوچیں ورنایی کارچ کرتگ ءُ کُشتگ

رَسانک نیوز/ شمبے 30 ھُرداد ماہ 1405، جاشک ءِ لیردپ زِلّهئے کرتی دمگ ءَ سلاہ بندیں مردمی ءَ بلوچیں ورنایی کارچ کرتگ، آیی پد چہ ٹپّیگ بوھگ ءُ نادراہجاہ ءَ سر بئیگ ءَ ساہ داتگ.

رَسانک ءَ اے بلوچیں نوک ورنائے پجّار «مهمد رھمتی»، 17 سالگ، سَپَر ئے چُک، جاشک ئے لیردپ زِلّهئے کرتی دمگئے نندوک زانتگ.

رَسانک ءِ ھال سرکنوکانی رِد ءَ، ھماں مرد ءَ کہ داوا کرتگ اے ورنایا آییئے بچک مُهتاد کرتگ، مهمد ءَ مئیاریگ ءُ ملامت کرتگ۔ اے دپّ جنگی گُڑسرا پہ دست جنگی ءَ بدل بوتگ ءُ آ مرد ءَ مهمد کارچ جتگ.

اے اُرش ءَ آیی ماں سینگ ءَ کارچ وارتگ ءُ ٹپّیگ بوتگ ءُ پہ درمان ءَ لیردپ ئے درمانجاہ ءَ سرکنگ بوتگ، بلے چہ بازیں ٹپّان ءَ ساھی داتگ.