رَسانک نیوز/ شپ ءَ 27 ھُرداد ماہ 1405، شستون ءِ ایرانمهر نادراہجاہ ءِ نزّیک ءَ بلوچیں نوک ورنایی چہ سپاہ پاسداران ئے امنیتی ٹولییے تیرگواری ءَ ٹپّیگ بوتگ۔ امنیتی ٹولی آییا پہ نادراہجاہ ءِ سر بئیگ ءَ نہ ھِشتگ ءُ چہ ھمیں سئوب ءَ ساھی داتگ.
رَسانک ءَ اے بلوچی نوک ورنا ئے پجّار «پرزاد ملازھی»، کِساس 15 سالگ، نسر اللہ ئے چُک، بُندر ءَ شستون ئے نندوک زانتگ.
رَسانک ءِ ھال سرکنوکانی رِد ءَ، سپاہ ءِ امنیتی ٹولییا شستون ءِ ایرانمهر نادراہجاہ ءِ نزّیک ءَ بید چہ پیسریگیں اُوشت ءُ دلگوش دئیگ ءَ اے ورنا ئے سرا تیرگواری کرتگ، آییا ماں سرا تیر وارتگ ءُ سکّ ءَ ٹپّیگ بوتگ.
ھال سرکنوکان ءَ گوَشتگ امنیتی ٹولی ءَ تهنا پرزاد ئے نادراہجاہ ءَ سرکنگئے دیم نداشتگ، بلکیں دمگئے نندوکیں مردمانی کہ پرزاد ئے رَکّینگئے جُهدش کرتگ دیمئے داشتگ.
داں انگتا اے بلوچیں نوک ورنا ئے سرا تیرگواری ئے پُژدر زانگ نہ بوتگ ءُ نہ کہ چہ سرکار ئے نیمگ ءَ زمّهواری ءَ اے بارئوا روژنائیں گپّی جتگ.
Be the first to comment