رَسانک نیوز/ سئےشمبے 19 ھُرداد ماہ 1405 ءِ بانگواہ ءَ، مشهد ئے وکیلآباد بندیگجاہ ءَ بلوچی بندیگی کہ پیشترا پہ مواد ئے چِست ءُ ائیر ئے الزاما دزگیر بوتگ ءُ پاھو ئے ھُکمی وارتگ بید چہ ھاندان ءُ لوگئے مردمانی سهیگ کنگ ءَ پاھو دئیگ بوتگ.
اے بلوچئے پجّار «اسداللہ بهرہ»،35 سالگ، ھُسین ئے چُک، آروس کرتگ ءُ یک زھگئے پت، بُندر ءَ تربت جام ئے سالہ آباد دمگئے نندوک زانگ بوتگ.
اے ھالئے رِد ءَ، اسداللہ سال 1402 ءَ ماں مشهد ءَ پہ مواد ئے چِست ءُ ائیر ئے الزام ءَ دزگیر کنگ بوتگ۔ اُد ئے انکلاب آمیدگِس ءَ آییا پاھو ئے ھُکم داتگ۔ 18 ھُرداد ماہ ءِ شپ ءَ پہ پاھو دئیگ ءَ آیی ایوکیں واڈ ءَ شور دئیگ بوتگ. زی بانگواہ ءَ بید چہ لوگئے مردمانی سهیگ کنگ ءُ گُڑسریں دیدار ءَ پاھو دئیگ بوتگ.
🔗 لینک کوتاه:
برای کپی روی دکمه کلیک کنید
Be the first to comment