رَسانک نیوز/ دوشمبے 18 ھُرداد ماہ 1405، مگس ئے سیاہتُپاک دمگ ءَ بلوچی دود ءُ ربیدگ ءُ بلوچی ادب ئے جُهدکاری کہ ماں تاریک شمبے روچ 9 ھُرداد ماہ ءَ سادہ پوشیں امنیتی ٹولی ءَ دزگیر ءُ چیریں جاگهی بُرتگ، پد چہ 9 روچ ءَ داں انگت ءَ آییئے بندیگ بوھگ ءُ سرگردانی برجاہ اِنت.
رَسانک ءَ اے بلوچئے پجّار «ابدلهالک (ابدلمالک) دھانی»، کِساس 35 سالگ، ملک مهمد ئے چُک، مگس ءِ بیرک زِلّهئے سیاہتپاک دمگئے نندوکیں مردمی زانتگ.
رَسانک ءِ ھال سرکنوکانی رِد ءَ، اے بلوچی ادب ئے جُهدکار ئے دزگیر کنگ ءِ روچ ءَ، امنیتی ٹولی ءَ در چہ سرکار ئے ھُکم ءُ بید چہ مئیار ءُ کسئور ئے گوَشگ ءَ آیی دزگیر کرتگ ءُ داں انگت ءَ لوگئے مردمان ءَ دزگیر کنگئے سئوب ءُ بستگیں بُهتان ئے بارئوا ھچ وڑیں ھالی دئیگ نہ بوتگ.
ھال سرکنوکان ءَ گوَشتگ، ابدلهالک کہ شونداری ءَ دلگوش بوتگ، چہ بلوچی زبان ئے ورنائیں شائراں، نبشتہ کاران ءُ بلوچی زبان ئے جُهدکاراں زانگ بیت کہ بازیں سالی پہ بلوچی زبان ءُ ادب ئے دیمروی ءُ ارزشت دئیگ ءَ جُهد کرتگ ءُ ماں ادبی مراگش ءُ دیوانان ءَ پہ (ابدلمالک) ءِ ند نام ءَ زانگ بیت۔ آیی بید چہ بلوچی زبان ئے شائری ءُ کتاب ءِ نئز آرگ ءَ ماں پارسی زبان ءَ ھم نبشتہ کاری ءُ شائری کرتگ۔ مگسئے دمگان ءَ شونداری ءَ دلگوش بوتگ ءُ ماں اُدئے وانگ ءُ زانگ، دود ءُ رُبیدگ ءَ جُڑتگیں مردمان ءُ دیوانانی تها اِزّت ءُ شرپ ئے واھند اِنت.
داں انگت ءَ ھچ امنیتی یانکہ اِنساپ ءِ ادارھی ءَ آییئے دزگیر کنگ ءُ سرا بستگیں تهمت ئے بارئوا ھالی سر نہ کرتگ.
Be the first to comment