رَسانک نیوز/ مروچی سئےشمبے 12 ھُرداد ماہ 1405، یک دگہ بلوچیں بندیگی کہ ماں تاریک 20 ھُرداد ماہ ءَ گوں چار دگہ بندیگ ءَ کہ چہ آیاں دو بندیگ بلوچ بوتگ اَنت، پجّاری زانگ بوتگ.
رَسانک ءَ اے بلوچیں بندیگئے پجّار «مهمدسدیک (ابدلواھد) بلوچی (کبدانی)»، 53 سالگ، نیاز مھمد ئے چُک، آروس کرتگ ءُ شش زھگی ھست، بُندر ءَ دُزاپ ءِ نندوکیں مردمی زانتگ.
رَسانک ءِ ھال سرکنوکانی رِد ءَ، مهمد سدیک نزّیک دہ سال پیش پارس ئے سوبہ ءَ پہ مواد ئے الزاما دزگیر کنگ بوتگ ءُ شیراز ئے انکلاب آمیدگِس ءَ آیی پاھو ئے ھُکم داتگ۔ آیی بید چہ لوگئے مردمانی گِندوک ءَ پاھو دئیگ بوتگ.
ھال سرکنوکان ءَ گوَشتگ: بندیگجاہ ئے زمّهواران ءَ پد چہ پاھو ئے ھُکمئے سرا کاروایی ءَ گوں آییئے لوگئے مردماں رابتا کرتگ ءُ گوشتگش کہ پہ بے ساھیں جون ئے دست گرَگ ءَ بندیگجاہ ءَ برو اَنت.
آییئے مردماں وت ءَ شیراز ءَ سرکرتگ ءُ پد چہ بے ساھیں جون ئے آرگ ءَ مروچی سئے شمبے روچ ءَ ماں میرجاوہ ئے راھا مهمد رسول اللہ ھڈ ایردھا، ھاکاں ایر داتگ.
Be the first to comment