رَسانک نیوز/ سئے شمبے روچ 1 اردیبهشت ماہ 1405، مشهد ئے وکیلآباد بندیگجاہ ءَ بلوچیں بندیگی کہ پہ مواد ئے چِست ءُ ائیر ئے بهتان ءَ بندیگ بوتگ بید چہ ھاندان ءُ لوگئے مردمانی ھال دئیگ ءُ گُڑسریں گندوک ءَ اُد ئے زمّهواران ءَ پاھو داتگ.
اے بلوچئے پجّار «جواد گپران تالب (شاھوزھی)»، کِساس 24 سالگ، اسماییل ئے چُک، آروس کرتگ ءُ سئے زھگئے پت، بُندر ءَ دُزاپ ئے نندوکیں مردم ءُ مشهد ئے جهمنند زانگ بوتگ.
ھال وشّ ئے ھالانی رِد ءَ، مشهد ئے وکیلآباد بندیگجاہ ءَ جواد ئے پاھو ئے ھُکم ئے سرا اَچانک ءُ بید چہ آییئے لوگئے مردمانی ھال دئیگ ءَ کاروایی بوتگ۔ لوگئے مردمان ءَ اَلّمیا نہ زانتگ کہ چی وھدا آیی پاھو دئیگ بئیت۔ گوں آییا ھور دو دگہ بندیگ ھم پاھو دئیگ بوتگ کہ یکی تایباد ءُ آں دگہ سرھس ئے نندوکیں مردمی زانگ بوتگ۔ داں اے وھدا آیانی پجّار ئے بارئوا گیشتریں ھالی دست نہ کپتگ.
گوَشگ بیت کہ جواد ماں سال 1398 مشهد ءَ پہ مواد ئے چِست ءُ ائیر کنگئے الزام ءَ دزگیر بوتگ ءُ چُنت سال پد ماں مشهد ئے انکلاب آمیدگِس ءَ پاھو ئے ھُکمی وارتگ.
Be the first to comment