چهبار ءَ سلاہ بندین ءُ بے پجّاریں مردمانی تیرگواری ءَ بلوچی ٹپّیگ بوتگ

رَسانک نیوز/ دوشمبے 4 ھُرداد ماہ 1405 ءِ بیگاہ ءَ، چهبار ءَ بلوچی، سلاہ بندین ءُ بے پجّاریں مردمانی تَچکیں تیرگواری ئے دپ ءَ کپتگ ءُ سکّ ءَ ٹپّیگ بوتگ۔ اے جهمنند چُنت تیر ئے ورگ ءَ رَند چهبار ئے امام اَلی نادراہجاہ ءَ سر کنگ بوتگ ءُ i.c.u واڈ ءَ بستری اِنت.

رَسانک ءَ اے بلوچئے پجّار «ھبیب بلوچ»، کِساس 35 سالگ، مهمداُمر ئے چُک، بُندر ءَ کسرکند ئے مردمی زانتگ.

رَسانک ءِ ھال سرکنوکانی رِد ءَ، ھبیب بیگاہ ءِ ساھت 17 ءَ ھماں وھدا کہ چهبار ءَ وتی برات ئے لوگ ءَ شُتگ، سلاہ بندین ءُ بے پجّاریں مردمان ءَ آییئے سرا تیرگواری کرتگ۔ آییا ھپت تیر ماں سر، گردن ءُ جون ئے آں دگہ بهران ءَ وارتگ.

گوَشگ بیت تیر ئے ورگ ءَ رَند، ھبیب ماں نہ گیگیں جاور ءَ چهبار ئے امام اَلی نادراہجاہ ءَ سرکنگ ءَ پد ماں i.c.u واڈ ءَ بستری اِش کرتگ۔ تاں انگت ءَ جنوکانی پجّار ءُ سئوب زانگ نہ بوتگ.