چھبار ءُ پہرہ ئے راہ ءَ نزامی ٹولی ئے پدا کپگ ءُ گاڑی ئے لیٹ ورگ ءَ بلوچیں ٹیلکشّی ءَ ساہ داتگ

رَسانک نیوز/ 3 اسپند ماہ 1404، چھبار ءُ پہرہ ئے راہ ءَ نزامی ٹولی ءِ ٹیلکشّئے گاڑی ئے پدا کپگ ءَ، ٹیلکشّئے گاڑی چہ راہ ءَ ڈنّ بوتگ ءُ لیٹ وارتگ۔ چہ گاڑی ئے لیٹ ورگ ءَ ڈریور ءَ ساہ داتگ.

ساہ داتگیں ٹیلکشّئے پجّار «مهمد ھرمزی (ھرماگی)»، کِساس 30 سالگ، اللہ‌نور ئے چُک، آروس کرتگ ءُ زھگانی پت بُندر ءَ دُزاپ ءِ مردمی زانگ بوتگ.

رَسانک ءِ ھال سرکنوکانی رِد ءَ، نزامی ٹولی ءَ بُرزا گوشتگیں راہ ءَ اے ٹیلکشّئے گاڑی ئے پدا کپتگ اَنت، اے تَچ ءُ گِر ءَ گاڑی ئے کنٹرول چہ ڈریور ئے دست ءَ در شُتگ ءُ چہ راہ ءَ ڈنّ بوھگ ءَ گوں چپّی کرتگ۔ ڈریور ءَ جاہ ءَ ساہ داتگ.