چھبار ءُ پہرہ ئے راہ ءَ نزامی ٹولی ئے پدا کپگ ءُ گاڑی ئے لیٹ ورگ ءَ بلوچیں ٹیلکشّی ءَ ساہ داتگ

رَسانک نیوز/ یکشمبے شب ءَ 3 اسپند ماہ 1404، چھبار ءُ پہرہ ئے راہ ءَ نزامی ٹولی ءِ پدا کپگ ءَ ٹیلکشّئے گاڑی چہ راہ ءَ ڈنّ بوتگ ءُ چپّی کرتگ۔ چہ ھمیں سوب ءَ ڈریور ءَ ساہ داتگ.

ساہ داتگیں ٹیلکشّئے پجّار «یاسر ھارکوھی»، کِساس 21 سالگ، ھُسین ئے چُک، دُزاپ ءِ نندوکیں مردمی زانگ بوتگ.

اے ھالئے رِد ءَ، نزامی ٹولی ءَ بُرزا گوشتگیں راہ ءَ اے ٹیلکشّئے پدا کپتگ اَنت ءُ گاڑی ئے کنٹرول چہ ڈریور ئے دست ءَ در اَتکگ ءُ لیٹی وارتگ۔ ڈریور ءَ جاہ ءَ ساہ داتگ.