رَسانک نیوز/ مروچی یکشمبے 3 اسپند ماہ 1404 ءِ بانگواہ ءَ، چھبار ئے مزنیں دریا ئے دمگ ءَ سلاہ بندین ءُ بے پجّاریں مردمان ءَ باری پراید گاڑی ئے سرا تیرگواری کرتگ، اے تیرگواری ءَ بلوچی ءَ تیر وارتگ ءُ نادراہجاہ ءَ سرکنگ بوتگ، بلے ڈاکٹر آنے جُھد پہ آئی ءِ ساہ ئے رَکّینگ ءَ سوبیں نہ بوتگ.
رَسانک ءَ اے بلوچئے پجّار «اماناللہ جدگال»، کِساس 37 سالگ، آروس کرتگ ءُ بُندر ءَ چھبار ئے نندوک زانتگ.
رَسانک ءِ ھال سرکنوکان ءَ گوشتگ: پد چہ ایشی ءَ کہ پژو 405 گاڑی ئے نندوکان ءَ امان ئے گاڑی ئے سرا تیرگواری کرتگ ءُ امان ءَ ماں گردن ءُ کوپگ ءَ تیر وارتگ، ویلئے پد آئی چھبار ئے امام الی نادراہجاہ ءَ سر کنگ بوتگ۔ بلے ڈاکٹر آنی جُھد پہ آئی ءِ رَکّینگ ءَ سوبین نہ بوتگ.
داں انگت جنوکانی پجّار ءُ آیانے سوب چہ اے کار ءَ زانگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment