شستون ءِ اسپندک ءَ گاڑی ءُ ٹرکّ ئے زوریں ٹوکر ءَ بلوچیں ٹیلکشّی ءَ ساہ داتگ

رَسانک نیوز/ پنچشمبے 30 بہمن ماہ 1404 ءَ، شستون ءِ اسپندک دمگ ءَ چہ ٹیلکشّئے گاڑی ءُ ٹرک ئے زوریں ٹوکر ءَ، بلوچیں ٹیلکشّی ءَ ساہ داتگ.

ساہ داتگیں بلوچئے پجّار «امین گمشادزھی»، بیبرگ ئے چُکّ، بُندر ءَ شستون ئے نندوک زانگ بوتگ.

اے ھالے رِد ءَ، ٹیلکشّئے گاڑی توتاے بوتگ ءُ گوں ٹرکّی ءَ دپ پہ دپ ٹوکری وارتگ۔ اے ٹوکر ئے زور ھمینچو بوتگ کہ ڈریور ءَ ماں گاڑی ئے کابین ءَ گیر کرتگ ءُ چہ ٹپّانی باز بوھگ ءَ جاہ ءَ ساھی داتگ.