رَسانک نیوز/ 14 بہمن ماہ 1404، دو بلوچ کہ پت ءُ چُک بوتگ اَنت، بنپور ءَ کلاتان زِلّھ ئے سیئدآباد دمگ ءَ ھماں وھدا کہ پٹ پٹی ءَ سوار راہ ءَ روگ ءَ بوتگ اَنت، سلاہ بندین ءُ بے پجّاریں مردمانی تیرگواری ئے دپّ ءَ کپتگ ءُ جاہ ءَ ساہ داتگ.
ساہ داتگیں دو بلوچئے پجّار «مهمد امیریان»، کِساس 43 سالگ، دُرمهمد ئے چُک ءُ آئی ءِ بَچَک «آریا امیریان»، 16 سالگ، بُندر ءَ ھر دو کلاتان زِلّھ ئے نندوکیں مردم، انّیگیں وھدا بُنپور ئے کاسمآباد دمگئے جھمنند زانگ بوتگ.
اے ھالئے رِد ءَ، سلاہ بندین ءُ بے پجّاریں مردمان ءَ ھماں وھدا کہ اے پت ءُ چُک وتی راہ ءَ روگ ءَ بوتگ اَنت، آیانی سرا تیرگواری کرتگ، اے تیرگواری ءَ ھر دو ءَ جاہ ءَ ساہ داتگ.
داں انگت جنوکانی پجّار ءُ آیانی سوب چہ اے کارا زانگ نہ بوتگ.
Be the first to comment