رَسانک نیوز/ یکشمبے دی ماہ 1404 ءِ شپ ءَ، میناب ءَ امنیتی باسکئے سادہ پوشیں ٹولی ءَ، بلوچی بید چہ آئی ءّ کسور ءُ میئار ئے گوشگ ءَ دزگیر کرتگ ءُ چیئریں جاگہے بُرتگ.
دزگیر کنگ بوتگیں بلوچئے پجّار «پرھاد جنگیزھی»، 23 سالگ، نوربکش ئے چُک ءُ بُندر ءَ سب ءُ سوران ئے پسکوہ زِلّھ ئے سر سورہ دمگئے نندوکیں مردمی گوشگ بوتگ.
پرھاد جینگا ئے تُھم ریچ گِرگ ءِ کار ءَ دلگوش بوتگ، دزگیر کنوکیں ٹولی جینگا ئے باگ ءَ گوں اے نیمون ءَ کہ جان سلامتی وزارت ئے کارمند اَنت، تہا بوتگ اَنت۔ ھمیں وھدا آیان ءَ بید چہ سرکار ئے ھُکم ءُ پرھاد ئے کسور ءُ میئار ئے گوشگ ءَ دزگیر اِش کرتگ ءُ گوں وت ءَ برتگ.
داں انگت ءَ آئی ءِ دزگیر کنوکیں ادارہ، دارگ ئے جاگہ، بستگیں الزام ءُ پروندہ ئے اِنساپ ءِ جاور ئے باراوا ھچ پیمیں پکّائیں ھالے دست نہ کپتگ۔ امنیتی ءُ اِنساپ ءِ ادارہ آن ءَ ھاندان ءَ رَندگیری ئے وھدا روژنیں پَسّویی نہ داتگ.
Be the first to comment