رَسانک نیوز / دوشمبے 15 دی ماہ 1404 ءِ شپ ءَ، دُزاپ ءِ بزرگمہر روڈ ءَ سلاہ بندین ءُ بے پجّاریں مردمان ءَ بلوچے آوار جتگ. اے کاروایی گوں ھژم ءُ تیرگواری ءَ ھوار بوتگ ءُ جھمنندانے دل پریشانی پہ ناامنی ءِ گیش بوھگ ءُ اے وڑیں ویلانی بے پسّو بوھگ ءَ دو برابر کرتگ.
اے جهمنندئے پجّار «مهمد اُمر ھَمّر»، بُندر ءَ دُزاپ ءِ نندوک ءُ چہ مکّی مسیت ئے شئیر وانوک ءُ دینی سَوت گوَشوک آں زانگ بوتگ.
رَسانک ئے ھال سرکنوکانی رِد ءَ، سلاہ بندیں مردمان ءَ شپ ءِ ساھت 22:45 ءَ، پہ زور ئے سرا اے جھمنند وتی پراید گاڑی ءَ سوار کرتگ ءُ چہ جاہ ءَ در شُتگ اَنت. اے کاروایی ءَ آوار جنوکان ءَ آئی ءِ موبائل پئون ءُ زاتی گاڑی ءَ جاہ ءَ یلاک کرتگ ءُ گوں ھوایی تیرگواری ءَ چہ اُداں شُتگ اَنت.
داں انگت ءَ اے جهمنند ئے سرنبشت ئے بابت ءَ ھچ ھالی دست نہ کپتگ ءُ نہ کہ آوار جنوکانی سوب زانگ بوتگ ۔ زمہ وارانی اے بابت ءَ دپ ءِ دارگ ءُ ھچّئے نہ گوشگ ءُ بے پرواھی ءَ جهمنندانی شک، گمان ءُ دل پریشانے گیش کرتگ.
اولین نفری باشید که دیدگاه مینویسد